كلمات اغنية يا اهلا بالمعارك عبدالحليم حافظ

كلمات اغنية عبدالحليم حافظ - يا اهلا بالمعارك
Ya Ahlan Belmaark - Abd El Halim Hafez

اغنية يا اهلا بالمعارك

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات اغنية يا اهلا بالمعارك قدمت لاول مره في حفل اضواء المدينه بالمسرح الصيفي يوم 27 من شهر يوليو عام 1965 ومعلومات عنها 

كلمات : صلاح جاهين
الحان : كمال الطويل
غناء : عبد الحليم حافظ
انتاج : عام 1965

كلمات اغنية يا اهلا بالمعارك لعبدالحليم

يا اهلاً بالمعارك

يا بخت مين يشارك

بنارها نستبارك

و نطلع منصورين

ملايين الشعب تدق الكعب

تقول : كلنا جاهزين

خارج ساعة الصبحية

و الناس رايحين جايين

نظرتهم فكرتني

بأيام ستة و خمسين

راجع فى المغربية

شفت عيون الثوار

نظرتهم فكرتني

بالضباط الأحرار

شفت اجتماع سياسي

كلماته نغم حماسي

و لا فيش على قده كراسي

من كتر ما فيه ملايين

ملايين الشعب تدق الكعب

تقول كلنا جاهزين

و ف لحظة نطل و يهدا الكل

و نسمع فرحانين

عبد الناصر حبيبنا

قايم بينا يخاطبنا

نجاوبه و يجاوبنا

قائد و مجندين

" قول ما بدالك

إحنا رجالك

و دراعك اليمين

عبد الناصر يقول :

" الله أكبر و يوم الازهر فى وجداني

يا شعب قمنا لقهر الصعب من تاني

وعود معنديش ، مفيش الا النضال عندي

و شقا و معارك مريرة كتير يا أخواني "

" أطلب تلاقي تلاتين مليون فدائي

فى جميع الميادين "

عبد الناصر يقول :

" على كل باب فى الميثاق مصباح يهدينا

يشوف جهادنا العظيم على فين مودينا

للافراح و الرفاهية ح نمد طريق ع النيل

اسمه فى الأشتراكية التصنيع التقيل

بس نضاعف انتاجنا أضعاف أضعاف أضعاف

و ندبر مهما احتاجنا و نحارب الإسراف

و بقرش الإدخار نتحدى الإستعمار

و نقيم جدار جبار يحمي حياة العاملين

آدي نقطة بنقطة جميع الخطة

و بالله نستعين

خطتنا خلاص فى إيدنا و خلاص متشمرين

و حزين ياللي تعاندنا بتعاند جبارين

جبل الجرانيت انشق انشال

و ف بحر النيل انزق أمال

ما فى حاجة تقولنا لأ إيش حال

يوم تحريرنا فلسطين

و التوبة التوبة التوبة نصبر على غدارين

وحياة الدم الغالي وحياة عرق الجبين

توبة ماعاد فيها مجاملة خلاص

و لا عاد م الثورة الشاملة مناص

يا إيدينا العاملة ازرعي اخلاص

واحصدي و الرب يعين

احصدي و إنقضي اكشفي و ارفضي

خاينين و إنتهازيين

ح نشق طريقنا بنور مبادئنا

و لنا النصر المبين

و يا اهلاً بالمعارك

يا بحر الثورة يا هادر خلي هديرك بنظام

من صوت المكن الداير عين العدو مش هتنام

و إنت يا شبابنا إتقدم جه دورك فى التاريخ

بإيديك لازم تتقدم مصر فى عهد الصواريخ

و شبابنا نهض يا حبايب قال : جه دوري مانيش هايب

يسلملي الشعر الشايب و الناس المخلصين

للمخلصين الف سلام !

الإشتراكيين الف سلام !

الحقيقيين الف سلام !

لجمال و اخوانه الف سلام !

يحيا لأوطانه بألف سلام !

و أنا و إنت و هو بخير و سلام !

و سلام مننا لمنى قلبنا !

للوحدة الكبرى

و نعيش و نضالنا يحققها لنا

و نقول .. كلنا جاهزين

و يا اهلاً بالمعارك !

تعليقات

المشاركات الشائعة من هذه المدونة

كلمات اغنية مداح القمر عبدالحليم حافظ

كلمات مهرجان بنت الجيران حسن شاكوش وعمرو كمال

كلمات اغنية احلف بسماها و بترابها - عبدالحليم