كلمات اغنية صوت الجماهير عبدالحليم واخرون

كلمات اغنية عبدالحليم حافظ - صوت الجماهير
Soot Elgmaher - Abd El Halim Hafez

اغنية صوت الجماهير

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات اغنية اوبريت صوت الجماهير اوبريت وطني بمشاركه ابرز نجوم الفن وقتها ومعلومات عنها 

كلمات : حسين السيد
الحان : محمد عبدالوهاب
غناء : محمد عبد الوهاب و فايزه احمد و شاديه و فايده كامل و نجاة الصغيره و عبد الحليم حافظ
انتاج : عام 1960

كلمات اغنية صوت الجماهير لعبدالحليم

صوت الجماهير هو اللي بيصحي الاجيال

صوت الجماهير هو انتفاض عزم الابطال

هو اللي بيتكلم هو اللي بيتحكم هو البطل ورا كل نضال

(عبد الوهاب)

مـــن عهد ادم و الظـــلم حــاول يـعادى دايما شـــمل القلوب

والشعب دايما كان صوته عالي والنصر دايما كان للشعوب

فى تاريخ كل نضال

على مر الاجيال

يبتدى من همسات بترج آهات الظلم فى كل ضمير

وانتصرت خطوات

وانطلقت صيحات

تفضل تكبر تفضل تعلا لحد ما تبقى صوت الجماهير

صوت الجماهير صوت الجماهير

(نجاة)

واليوم بنجني ثمار جهادنا والخطوة عايزة عزم وثبات

في كل خطوة ملايين بتبني أجيال طويلة بالمعجزات

أتقابلوا الملايين

يوم ثلاتة وعشرين

يوم الشعب العربي مافجر أول ثورة للتحرير

أتعاهدوا الثوار

واتفقوا الأحرار

يبنوا طريق العزة وحطوا أيديهم في أيدين الجماهير

صوت الجماهير صوت الجماهير

(شادية)

بطل العروبة رسم حروفها خطوط عريضة فوق الطريق

أهـــلا ومرحب بكل عربي يمد أيده لأخوه الشــــقيق

أهلا بالأبطال

صناع الأجيال

يا اللي الوحدة الأم طريقكم خلوا بقية الركب يسير

سيروا بعون الله

واسعوا بأمر الله

غير الله ما في قوة حتوقف من تيار زحف الجماهير

صوت الجماهير صوت الجماهير

(فايدة كامل)

باسم اتحادنا قوم يا كفاحنا قل للصهاينة المعتدين

راية العروبة عرفت نجومها من عام ثمانية وأربعين

حطمنا الأصنام

ومحينا الخدام

ما بقاش فيه عميل بيردد صوت أسياده على المزامير

خط النار موجود

والجماهير بتسود

دقت ساعة العمل الثوري في فلسطين باسم الجماهير

صوت الجماهير صوت الجماهير

(فايزة أحمد)

يا دولة كبرى فرضت وجودها فداك يا ما ضحى شباب

شهيد حياتك عرف النهارده مارحش دمه تحت التراب

عهد على الملايين

عهد بألف يمين

نحمي تراب أرضك ياجزائر ونحوش عنك بحب كبير.

عهد على الملايين

عهد بألف يمين

عاش النصر بأرض اليمن الحرة وعاش صوت الجماهير

صوت الجماهير صوت الجماهير

(عبد الحليم)

يا شعوبنا الحرة يا عربية كافحي و زيدي ثبات و عناد

وان كان فيه للغدر بقية نار الغدر حطبها رماد

نار بتصحينا .. نار بتقوينا ..

مهما اتآمروا علينا .. مبادئنا بتحمينا

مابقاش فينا خضوع

بابتسامات ودموع

توب الغدر بيفضح نفسه حتى ولو ملفوف بحرير

خط السير معلوم

وطريقنا مرسوم

هو الوحدة والاشتراكية و الاتنين هدف الجماهير

صوت الجماهير صوت الجماهير

تعليقات

المشاركات الشائعة من هذه المدونة

كلمات أغنية بالاحضان - عبدالحليم حافظ

كلمات اغنية جبار - عبدالحليم حافظ

كلمات اغنية بلدي يا بلدي - عبدالحليم حافظ