كلمات اغنية عدى النهار عبدالحليم حافظ

كلمات اغنية عبدالحليم حافظ - عدى النهار
Ada Elnahar - Abd El Halim Hafez

اغنية عدي النهار

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات اغنية عدي النهار وعدى النهار أو موال النهار هي أول أغنية غناها عبد الحليم حافظ بعد حرب 1967. ألف الأغنية عبد الرحمن الأبنودي، ولحنها بليغ حمدي ومعلومات عنها 

كلمات : عبدالرحمن الابنودي
الحان : بليغ حمدي
غناء : عبد الحليم حافظ
انتاج : عام 1967

كلمات اغنية عدى النهار لعبدالحليم

عدّى النهار و المغربية جايّة

تتخفّى ورا ضهر الشجر

و عشان نتوه فى السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

ابو النجوم الدبلانين

ابو الغناوي المجروحين

يقدر ينسّيها الصباح

ابو شمس بترش الحنين

أبداً بلدنا ليل نهار

بتحب موّال النهار

لما يعدّي فى الدروب

و يغنّي قدّام كل دار

و الليل يلف ورا السواقي

زي ما يلف الزمان و على النغم

تحلم بلدنا بالسنابل و الكيزان

تحلم ببكرة و اللى حيجيبه معاه

تنده عليه فى الضلمة و بتسمع نداه

تصحى له من قبل الأدان

تروح تقابله فى الغيطان

فى المصانع و المعامل و المدارس و الساحات

طالعة له صحبة جنود

طالعة له رجال اطفال بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي فى الدروب

و يغني قدّام كل دار

تعليقات

  1. كل الاغاني العندليب الأسمر دوق وإحساس وشعور وتأثير الكلام على المستمع ، ومن لا يسمع اصول الطرب الاصيل عصر العباقرة حليم والسيدة والموسيقار ، يعتبر انسان مجرد من الإحساس وقول على الدنيا السلام
    ليت الزمن يرجع للوراء خطوة
    الله يلعن فن هذا العصر والزمان وأقصد عصر اغاني تجارة الأجساد
    فألف رحمة عليك يا عبدالحليم

    ردحذف

إرسال تعليق

المشاركات الشائعة من هذه المدونة

فحص فايروس كورونا بالمنزل

كلمات أغنية بالاحضان - عبدالحليم حافظ

كلمات اغنية احلف بسماها و بترابها - عبدالحليم