كلمات اغنية حكاية شعب - عبدالحليم حافظ

كلمات اغنية عبدالحليم حافظ - حكاية شعب
Hekayt Shaab - Abd El Halim Hafez

اغنية حكاية شعب

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات اغنية حكاية شعب قدمت لاول مره يوم 10 شهر يناير عام 1960 في حفل اضواء المدينه باسوان بمناسبة بدء تنفيذ المرحله الاولى للسد ومعلومات عنها 

كلمات : احمد شفيق كامل
الحان : كمال الطويل
غناء : عبد الحليم حافظ
انتاج : عام 1960

كلمات اغنية حكاية شعب لعبدالحليم

كورس :قلنا حنبنى و آدى احنا بنينا السد العالى

يا استعمار بنيناه بايدينا السد العالى

من اموالنا بايد عمالنا هى الكلمة وآدى احنا بانينا

عبد الحليم : إخوانى.. تسمحولى بكلمة؟

كورس : هيه

عبد الحليم : الحكاية مش حكاية السد

حكاية الكفاح اللى ورا السد .. حكايتنا احنا

حكاية شعب للزحف المقدس قام وثار

شعب زاحف خطوته تولع شرار

شعب كافح وانكتب له الإنتصار .. تسمعوا الحكاية؟

كورس : بس قولها من البداية

عبد الحليم : هى حكاية حرب و تار بينا و بين الإستعمار

فاكرين لما الشعب اتغرب جوه فى بلده؟

كورس : آه فاكرين

عبد الحليم : والمحتل الغادر ينعم فيها لوحده؟

كورس : مش ناسيين

عبد الحليم: والمشانق للى رايح واللى جاى

ودم أحرارنا اللى راحوا فى دنشواى

كورس : آه فاكرين

عبد الحليم : من هنا كانت البداية.. وابتدا الشعب الحكاية

كان كفاحنا بنار جراحنا يكتبه دم الضحايا

كورس : وانتصرنا انتصرنا انتصرنا

عبد الحليم : انتصرنا يوم ما هب الجيش و ثار

يوم ما أشعلناها ثورة نور ونار

يوم ما أخرجنا الفساد.. يوم ما حررنا البلاد

يوم ما حققنا الجلاء

كورس : انتصرنا انتصرنا انتصرنا

عبد الحليم : رجعت الارض الحبيبة الطيبة لايدين صحابها

التقينا العز فيها والكنوز تايها فى ترابها

قلنا نلحق نبنى مستقبلها ونرجع شبابها

كورس : نعمل إيه؟

عبد الحليم : كان طبيعى نبص للنيل اللى أرواحنا فى إيديه

ميته فى البحر ضايعة والصحارى فى شوق إليه

قلنا نبنى سد عالى سد عالى سد عالي

بص الاستعمار صعب حالنا عليه .. ليه نرجع مجدنا ونعيده ليه؟

كورس : يعمل إيه؟

عبد الحليم : راح على البنك اللى بيساعد ويدى

قاله حاسب .... قالنا مالكمش عندى

كورس : قلنا إيه؟

عبد الحليم : كانت الصرخة القوية من الميدان فى اسكندرية

صرخة اطلقها جمال.. احنا أممنا القنال

كورس : احنا أممنا القنال.. احنا أممنا القنال

عبد الحليم: ضربة كانت من معلم

كورس : خلى الاستعمار يسلم

عبد الحليم : والحصار الاقتصادى

كورس : برضه ماذلش بلادى

عبد الحليم : جاب سلاحه وطياراته غواصاته ودباباته.. واعتدى علشان نسلم

كورس: هو مين؟ لأ ده بعده.. هو اللي اتلقى وعده

عبد الحليم : كنا نار أكلت جيوشهم .... نار تقول هل من مزيد

انتصرنا ولسه عارهم .... ذكرى فى تراب بورسعيد

والعروبة فى كل دار وقفت معانا

والشعوب الحرة جت على اللى عادانا

كورس : و انتصرنا انتصرنا انتصرنا

عبد الحليم : آدى حكاية الشعب .. شعب للزحف المقدس قام وثار

شعب زاحف خطوته تولع شرار .. شعب حقق له جمال الإنتصار

وانتصرنا انتصرنا انتصرنا

تعليقات

المشاركات الشائعة من هذه المدونة

كلمات أغنية بالاحضان - عبدالحليم حافظ

كلمات اغنية جبار - عبدالحليم حافظ

كلمات اغنية بلدي يا بلدي - عبدالحليم حافظ