كلمات اغنية حاجه غريبه - عبدالحليم حافظ

كلمات اغنية عبدالحليم حافظ - حاجه غريبه
Haga ghariba - Abd El Halim Hafez

اغنية حاجه غريبه

موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات اغنية حاجه غريبه من فيلم معبودة الجماهير فيلم مصري بطولة للعندليب الأسمر عبد الحليم حافظ وشادية استمر في تمثيله أكثر من أربعة سنوات بسبب النزيف الذي كان يحصل لعبد الحليم حيث كان يسافر إلى لندن ما بين فترة وأخرى وكان من أروع ما قدم العندليب ومعلومات عنها 

كلمات : حسين السيد
الحان : منير مراد
غناء : عبد الحليم حافظ - شاديه
انتاج : عام 1967

كلمات اغنية حاجه غريبه لعبدالحليم

حاجة غريبة الدنيا لها طعم جديد

حاجة غريبة انا حاسس إنّ ده يوم عيد

وأنا حاسة الدنيا هربانة ويانا فـ ليل كلّه سعاده

ليها فرحة حلوة فى عنية وحلاوتها سكرها زيـاده

أنت عارف ليه

قولي إنت ليه

علشان احنا مع بعضينا ولأول مره لوحدينا

ولا حدش بيبص علينا غير فرحة قلبنا وعنينا

حاجة غريبة الليل ده كلّه كان امبارح بيزيدني حرمان وأسية

إتغير ليه إتغير ليه حتى سواده لوه ضيّ حنيّن فى عنيّ

والنجمة دي أنا عارفاها وتمللي بسهر وياها

بس الليلة بتلمع اكثر وبتندهلي وانا سامعاها

اهي بتشاور اهي بتقرب انا دلوأتي ماشيه معاها

حاجة غريبة انت كمان انا شايفاك ماشي وياها

أنتِ عارف ليه

قول لي إنت ليه

علشان احنا مع بعضيا ولأول مره لوحدينا

ولا حدش بيبص علينا غير فرحة قلبنا وعنينا

حاجة غريبة

حاجة غريبة السما بتغني انت سامعها

ايوه سامعها بتغني مع فرحتي حبّي

والموجه اللى هناك دي بترقص

ايوه شايفها

دي بترقص على دقة قلبي

انت شايف انت سامع انت حاسس

احساس غريب قبل النهار ده ماجربتوش

وشعور جميل عمري فى حياتي ما عرفتوش

ايه اللى جرالنا احنا بنحلم ولا بنحلم كلمني قـول

لو كان ده حلم * ياريتوا يطول

علشان نفضل * نحلم كده على طول

والدنيا تفضل هربانة * ويانا فـ ليل كلّه سعاده

ليها فرحة حلوة فى عنية * وحلاوتها سكّرها زياده

أنت عارف ليه

أيوه عارف ليه

علشان احنا مع بعضينا .. ولأول مره لوحدينا

ولا حدش بيبص علينا .. غير فرحة قلبنا وعنينا

حاجة غريبة .. حأجه جميله

تعليقات

المشاركات الشائعة من هذه المدونة

كلمات أغنية بالاحضان - عبدالحليم حافظ

كلمات اغنية جبار - عبدالحليم حافظ

كلمات اغنية بلدي يا بلدي - عبدالحليم حافظ