كلمات اغنية الفوازير - عبدالحليم حافظ

كلمات اغنية عبدالحليم حافظ - فوازير فوازير

اغنية فزورة فواززير


موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات أغنية الفوازير اغنية وطنية ليست من أشهر أغاني عبد الحليم حافظ الوطنية، الأغنية عبارة عن فوازير عن أحداث وشخصيات وطنية، يغنيها عبد الحليم ويرد الجمهور بالحل في بعض الحفلات أحيانا ما كان يرد الجمهور بالحل قبل أن يكمل عبد الحليم غناء الكوبليه، فيضحك عبد الحليم ويطالب الجمهور بسماع الكوبليه كامل وهى من اربع كوبليهات او اربع فوازير فزورة القنال و السد العالي و الشهيد و جمال  الأغنية من كلمات مرسي جميل عزيز وألحان محمد الموجي ومعلومات عنها 

كلمات : مرسى جميل عزيز
الحان : محمد الموجي
غناء : عبد الحليم حافظ
انتاج : عام 1963

كلمات اغنية الفوازير لعبدالحليم
كلمات اغنية الفجر طلع

الفجر طلع الفجر طلع الفجر طلع

الفجر طلع وطلعنا معاه..طلعنا معاه

وعرفنا طريقنا بعون الله.. بعون الله

ومشينا مشينا كثير وطريق الثورة كبير

اهداف تسبق امجاد وايام كلها اعياد

وحقيقة ولا الاساطير وحكاية ولا الفوازير

فوازير فوازير (فزورة القنال)

ح يقول فزورة وفزورة ع الثورة وكلها مشهورة

لكن خذوا بالكم لما يقولها لكم

جدي نشاها بإيده بناها ...لكن راح فى ترابها ماجاش

فاتها بحالها ومالها لابويا لكن ابويا ماورثهاش

يسكت ابويا حيعمل ايه؟ والسجان بالنار حواليه..وانا

انا جاء دوري مع الحرية ...انا دم الثورة جري فإيديا

خذتها منه غصب عنه وتعب جدي ماراحش بلاش

انتهى عهد الضلال ..عاد لنا المال الحلال

يوم ما اممنا ....القنال

فوازير فوازير (فزورة السد العالي)

ح يقول فزورة وفزورة ع الثورة وكلها مشهورة

لكن خذوا بالكم لما يقولها لكم

الكل بيجري بيجري ويشمر ويهد ويبني ويبني ويعمر

ديناميت..بيهد جبال فتافيت..وغبار وعرق ورجال عفاريت

وبسرعة بيعلى البنيان وبيعلى مجد الانسان

حيلم الميه وينثرها ع الارض البور.....تطرح بساتين ومحبة ونور ومكن بيدور

ودا طبعا باين طوالي وفبالكم زي ماهو فبالي

عارفينه ؟؟ ..السد العالي

فوازير فوازير (فزورة الشهيد)

ح يقول فزورة وفزورة ع الثورة وكلها مشهورة

لكن خذوا بالكم لما يقولها لكم

فى عز عز الحياة شباب وباع الحياة

لاجل انتصار الحياة على عدو الحياة

فى كل فرحة عيد فى كل نصر جديد ماتتنسيش ذكراه

خلدوا بالحب روحه من جديد فى دمشق فى اليمن فى بور سعيد

فى فلسطين اللى راح ترجع اكيد

و الجزائر بلد المليون ...شهيد

فوازير فوازير (فزورة جمال)

ح يقول فزورة وفزورة ع الثورة وكلها مشهورة

لكن خذوا بالكم لما يقولها لكم

بعد سنين وسنين وسنين واحنا على الظالمين ساكتين

جانا بطل انسان وبطل

خللى اليأس حماس وأمل خللى الضعف كفاح وعمل

قال لليل الظلم إرجع قال لنور الحق إطلع

قال لكل الدنيا تسمع

صوت الثوار ع العبودية صوت الأحرار والحرية

صوت القومية العربية بيهز الارض بالطول والعرض

وبطلنا ابو الابطال أسمر فى جبينه هلال اسمه عارفاه الدنيا

حد مايعرفش ..جمال

الفجر طلع الفجر طلع الفجر طلع
الفجر طلع وطلعنا معاه..طلعنا معاه وعرفنا طريقنا بعون الله.. بعون الله
ومشينا مشينا كثير وطريق الثورة كبير
اهداف تسبق امجاد وايام كلها اعياد
وحقيقة ولا الاساطير وحكاية ولا الفوازير
فوازير فوازير

تعليقات

المشاركات الشائعة من هذه المدونة

كلمات أغنية بالاحضان - عبدالحليم حافظ

كلمات اغنية جبار - عبدالحليم حافظ

كلمات اغنية بلدي يا بلدي - عبدالحليم حافظ