كلمات أغنية بالاحضان - عبدالحليم حافظ

كلمات اغنية عبدالحليم حافظ - بالاحضان

اغنية بالاحضان


موقع عاجبنى بيقدم سلسلة كلمات اغانى العندليب الاسمر عبدالحليم حافظ وبنقدم فى 
 المقاله دى كلمات أغنية ايه بالاحضان غنى عبد الحليم الأغنية في 23 يوليو 1961، وكما غناها في إحدى الحفلات وغني معها أغنيتين. أغنية وطنية هي يا جمال يا حبيب الملايين، وأغنية اجتماعية شهيرة هي أغنية "وحياة قلبي وأفراحه"، والتي غناها في فيلم الخطايا وبالاحضان تأليف صلاح جاهين، وتلحين كمال الطويل في العيد التاسع لثورة 23 يوليو 1952 ومعلومات عنها 

كلمات : صلاح جاهين
الحان : كمال الطويل
غناء : عبد الحليم حافظ
انتاج : عام 1961

كلمات اغنية بالاحضان لعبدالحليم

بالأحضان بالأحضان بالأحضان

بالأحضان يابلادنا ياحلوة بالأحضان

فى معادك يتلموا ولادك يابلادنا وتعود أعيادك

والغايب مايطيقش بعادك يرجع ياخدك بالأحضان

بالأحضان بالأحضان بالأحضان

بالأحضان يابلادنا ياحلوة بالأحضان

بالأحضان ياحبيبتى يا أمى

يابلادى ياغنيوة ف دمى

على صدرك ارتاح من همى

وبأمرك اشعلها نيران

ياما لفيت سواح متغرب

وانا دمى بحبك متشرب

ابعد عنك قلبى يقرب

ويرفرف ع النيل عطشان

بالأحضان بالأحضان بالأحضان

بالأحضان يابلادنا ياحلوة بالأحضان

ياما شفتك ع البعد عظيمة

يابلادى ياحرة ياكريمة

وزعيمك خلاكى زعيمة

فى طريق الخير والعمران

اتقويت ورفعت الراس

وبكيت فرحة وشوق وحماس

وبقيت ماشى فى وسط الناس

متباهى بوطنى فرحان

بالأحضان بالأحضان بالأحضان

بالأحضان يابلادنا ياحلوة بالأحضان

بالأحضان يامصانع يامزارع بالأحضان

ياحصاد الثورة ياحلم وعلم

بالأحضان يامداين ياجناين بالأحضان

ياللى انت بترفع راية السلم

نور عينى وحبايبى

وعزاز اوى على قلبى

ياللى على الجرار وقصاد لهاليب الصلب

يا سواعد عربية ونفوس حرة ابية

يحميكم وتدوم الهمة ويحيا الشعب

يارب العزة والقدرة بناديك يارب

فى صلاة العيد .. عيد الثورة واناجيك يارب

اللهم انصر بلدى وايدها

سدد خطوتها وخد ايدها

يارب اجعلنا نحقق كل خيال

اجعل يومنا الواحد بكفاح أجيال

فجّر ينابيع الخير تحت اقدامنا

المستقبل خليه نور قدامنا

اللهم انظر لعملنا

بارك فى جهادنا ونضالنا

واحفظ ريسنا وبطلنا

يارب يارحمن

بالأحضان بالأحضان بالأحضان

بالأحضان يابلادنا ياحلوة بالأحضان

تعليقات

المشاركات الشائعة من هذه المدونة

كلمات اغنية جبار - عبدالحليم حافظ

كلمات اغنية بلدي يا بلدي - عبدالحليم حافظ